سحر الطبيعة في اندونيسيا......

مغامرات اسبرانزا في اندونيسيا

قبل كم سنة اتفقت مع صديقي القديم سوهارنو (سواق الأهل) إني أروح معه في إجازته لاندونيسيا ، و وعدني بمغامرة ما بعدها مغامرة.

يقول انه دلوله في اندونيسيا لأنه كان سواق تريله و انه دار اندونيسيا كلها.

لذلك و بعد تخطيط سريع للرحلة انطلقت مع سوهارنو ألي اندونيسيا (العمة كما يطلق عليها البعض).

اندونيسيا هي اللي محاطة باللون الاحمر

الرحلة من الرياض على الخطوط الاندونيسية (الجاروده) استغرقت حدود 8 ساعات طويلة و متعبة بالنسبة لسوهارنو ، أما أنا فكنت متكى في الدرجة الأولي من الطيارة و نمت اغلب فترات الرحلة.

يوم قربنا من مطار جاكرتا الدولي سير على سوهارنو من الدرجة السياحية و اتفقت معه على إن أحناء ما نروح جاكرتا لأنه هو من سكان مدينة اسمها بوقور على بعد 40 كم جنوب جاكرتا.

صوره من الطيارة لبعض الجزر الاندونيسية التي يقدر عددها بحدود 133667 إثناء الاقتراب من مطار جاكرتا الدولي.

وصلنا للمطار و عدينا الجوازات بدون مشاكل تذكر ، ضفينا شناطنا و طلعنا من المطار و أخذنا تكسي و توجهنا لم بوقور.

كانت الساعة حدود 1 الظهر يوم وصلنا لم بوقور ، رحنا لم بيت أهل سوهارنو على ضواحي المدينة و أصر سوهارنو إني اسكن معهم.

بعد ما تعرفت على أهله و هو اخذ له حدود ساعة من القرقر معهم ، انطلقت أنا و سوهارنو لاستكشاف ضواحي مدينة بوقور.

مدينة بوقور (Bogor)

الخريطة توضح موقع مدينة بوقور (الدائرة الحمراء)

هذي وسيلة المواصلات اللي أخذناها في استكشافي لمدينة بوقور ، التراسيكل (tricycles) ، زى حقات الفلبينيين.

يا حليل إشكالهم من بعيد.

و هذي إشكالهم من قريب ، والله ما بغيت اركب معهم ، إشكالهم تقل سفاحين.

يا حليلهم هالبزارين ، كانوا راكبين في ترايسكل تمشي خلفنا.

مدري ليه ، بس الظاهر سوهارنو كان جوعان ، لذلك أول مكان وداني لمه كان سوق الخضرة

أنا ما عرفت من الفواكه هذي ألا المنجى و التفاح ، أما الباقي فمدري وشو ، حتى سوهارنو يوم حاول يقول لي وشي ما فهمت عليه

أما هذي فعرفت أن اسمها جمبو ، بس شكلها ما يطمن.

الأخ هذا حاول يقنعني اشتري منجى منه ، لكن ما استسغتها لأني متعود على المنجى الفلبينية اللي يكون لونها مائل للأصفر.

هذي عاد ما يبي لها معرفه ، أناناس ، بس بصراحة اللي يبيعها ما يبشر بالخير.

هذي اسمها رمبو تان ، أنا جربت لي وحده بعد ما شالو جلدها و كان طعمها تقل يوسفي.

هذي يسمونها جلد الافعى بسبب شكلها ، و طعمها اقرب ألي البندق.

هذا هو جذر التارو ، و الظاهر بعضكم يعرفه.

لقينا واحد يبيع التوفو ، شكلها كان مغري ، بس ما حاولت أجربها خوف من التسمم.

عقب ما درنا في السوق حدود ساعة ، عزمني سوهارنو على موز مقلي اسمه وارونق (وع) ركزوا على سطل البوية اللي قاعد يقلي فيه..

بعد ما خلصنا من الدوران في السوق قال لي سوهارنو انه بيوديني لم حديقة البوتنيك اللي في بوقور ، و غثني بكلامه يوم بدا يقول انه ما عمر أبو جدي شاف مثلها.

هذا مدخل حديقة البوتنيك و اسمها كيبون رايا (Kebun Raya)

و هذا صفة شجر أول ما دخلنا الحديقة ، و من جد والله عمر أبو جدي ما شاف مثلها

و هذي من وسط الحديقة